Matawhay kag organisado ang dalagan sang trapiko sa syudad sang Roxas kadungan sang pagsug-alaw sang Capiztahan 2025.
Suno kay Mr. Gonzalo Andrada, Head sang Traffic Management Unit-Roxas City, ginpahayag nga apisar gaginutok ang mga behikulo sa palibot, wala naman suno sila sang may narekord nga nagluntad nga insidente sa dalanon.
Dugang pa sini, ginalauman na nila nga magagutok ang karsadahon sa tion sang pagselebrar sang amu nga kahiwatan, rason nga hugot man ang ila nga pag-tsekyar sa tagsa ka mga motorista.
Mahibaluan nga may yara sang sobra 70 ka mga TMU Personnel ang ginpahamtang sa palibot sang karsadahon sa syudad sang Roxas kadungan sang pagsug-alaw sang Capiztahan 2025.
Samtang, nagapasalamat naman si Andrada sa mga motorista bangud sa pagiging cooperative sini pag-abot sa Traffic Rules and Regulations.
