Ginpakigbahin sang Department of Foreign Affairs (DFA) nga indi makabulig sa maayos nga relasyon sang Pilipinas kag China ang pagdumili sang Beijing sa pagpasulod sang 16 ka mga opisyal halin sa Kalayaan, Palawan.
Suno sa DFA, apisar nga kinamatarong sang isa ka pungsod ang magpatuman sang travel ban, mahimo ini nga makaapekto sa pagpabaskog sang bilateral relations kag people-to-people exchanges nga lunsay ginpromisa sang Pilipinas kag China.
Gindumili-an sang China ang pagpasulod sang mga opisyal matapos nga gindeklara nga persona non grata ang Chinese Ambassador nga si Jing Quan bangud sa ginpahayag paglapas sa diplomatic protocol kag pagpanghilabot sa internal affairs sang Pilipinas.
Nahibaluan nga ang Kalayaan, nga makit-an sa West Philippine Sea, ang padayon nga gina-angkon sang China sa pihak sang international ruling nga wala sang legal nga basehan ang ila nga claim. Sa mga tinalikdan nga mga tuig, nagdalom kag nagdako man ang tensyon sa tunga sang duha ka mga pungsod bangud sa mga insidente sa dagat, kalakip ang pagbunguanay kag paggamit sang water cannon batuk sa mga barko sang Pilipino.
