-- ADVERTISEMENT --
PONTEVEDRA, CAPIZ – Nabungguan sang isa ka tricycle ang naka-park nga pick-up nga salakyan sa kilid sang karsada sa Barangay Tabuc, Pontevedra, Capiz.
Ang nagamaneho sang tricycle ang ginkilala nga si Lorito Loquero, 59 anyos, residente sang nasambit man nga lugar.
Base sa inisyal nga impormasyon nga nakuha sang Bombo Radyo, pauli na kuntani si Loquero sang nadulaan ini sang kontrol sa manubela kag aksidente nga nabungguan ang naka-park nga pick up nga salakyan sa kilid sang karsada nga ginapanag-iyahan ni Nelmark Guevarra, 28 anyos .
Bangud diri, temporaryo nga ginkustodiya sang mga kapulisan ang tricycle ni Loquero.
Maswerte naman nga wala sang napilasan sa amo nga insidente.
-- ADVERTISEMENT --
