Tricycle driver, dakup sa drug buy bust operation sa banwa sang Ivisan

ROXAS CITY – Arestado ang tricycle driver matapos ang ginkasa nga drug buy bust operation sa Barangay Sta. Cruz, banwa sang Ivisan.

Ginkilala ang suspek kay Gerry Tresvalles, 41-anyos kag residente sang Brgy. Cabugao, Roxas City.

Nakuha sa kontrol kag posesyon ni Tresvalles ang 4 ka sachets sang suspected shabu, P500 nga drug buy bust money kag motorsiklo.

Magapangatubang sang panumbungon nga paglapas sa RA 9165 ukon Comprehensive Dangerous Drugs Act of 2002 ang nasambit nga persona.

Sa karon, nakahunong na ini sa karsel sang Ivisan MPS para sa nagakaigo nga disposisyon.