Tricycle driver dakup sa drug buybust operation sa Brgy Punta Tabuc, syudad sang Roxas

ROXAS CITY – Arestado ang 27-anyos nga lalaki sa ginkasa nga drug buy-bust operation sang mga katapo sang Station Drug Enforcement Team (SDET)sang Roxas City PNP, sa Sitio Cassandra, Brgy. Punta Tabuc, Roxas City.

Ginkilala ang suspek kay Carlo Galicia alyas Dodoy, kag residente sang nasambitan nga lugar.Nakuha sa kontrol kag posesyon sang suspek ang apat tanan ka sachets sang suspected shabu kag P500 nga buy bust money.

Aminado naman si Galacia nga ini ang nagaduso ini sang iligal nga droga.

Magapagatubang sang panumbungon sa paglapas sa Republic Act No. 9165 ukon ‘Comprehensive Dangerous Drugs Act of 2002’ ang suspek.

Sa karon, yara na ini sa kustodiya sang Roxas City PNP para sa nagakaigo nga disposisyon.