Pilason ang isa ka tricycle driver kag mga pasahero sini matapos ang pagbungguanay sang tricycle kag motorsiklo sa Crossing Sta. Ana, Barangay Binuntucan, Pontevedra, Capiz.
Sa interview sang Bombo Radyo kay Police Captain Ma. Fe Umiten, hepe sang Pontevedra Municipal Police Station, iya ginpahayag nga padulong kuntani sa Sta. Ana ang motorsiklo, samtang halin naman sa Barangay Jolojangog ang tricycle.
Samtang nagasubay sa dalan ang duha ka salakyan, nagliko pa-wala ang motorsiklo, kabangdanan nga naalang-alangan magpreno ang tricycle kag nagbungguanay ang duha.
Gilayon naman nga gindala sa ospital ang mga napilasan, lakip na ang tricycle driver, mga pasahero kag ang duha ka driver, para sa nagakaigo nga pagbulong.
Sa subong, padayon ang imbestigasyon sang Pontevedra Municipal Police Station angut sa insidente kag sa paghibalo sang bug-os nga detalye kag responsibilidad sa pagbungguanay.
