ROXAS CITY – Pilas sa ulo ang na-angkon sang isa ka tricycle driver matapos ginluthang sang wala pa matumod nga suspek nga nakasakay sa motorisklo takna 2:30 kaina sang maga-aga, Disyembre 22 sa Magallanes St. Barangay III, Roxas City.
Ginkilala ang biktima nga si alyas ‘King’, 24-anyos residente sang Sitio Ilaya, Barangay Tanque, sini nga syudad.
Sa impormasyon nga nakuha sang Bombo Radyo nagikan sa Roxas City PNP, samtang nagahulat sang pasahero ang biktima, hinali na lang nagtuhaw ang isa ka Raider 150 Fi nga motorsiklo sakay ang suspek kag ginuthang si alyas ‘King’ sang maka-duha ka beses.
Bangud sini, nag-angkon sang pilas sa nawala nga ulo ang biktima kag ginpadala sa Roxas Memorial Provincial Hospital para sa pagbulong.
Samtang, padayon naman ang hot pursuit operation sang kapulisan sa suspek.
Narekober sa lugar ang duha ka empty shells sang calibre .45 nga armas-luthang.
