Tricycle ginkawat sa brgy San Esteban, Pilar; motorsiklo kag brgy patrol sidecar diyutayan man mataban

ROXAS CITY – Ginapangita sang tag-iya nga si Ariel Bogabriel, 34-anyos, ang Kawasaki Barako 175 sini nga motorsiklo may sidecar duag green sa guwa kag duag puti naman sa sulod may plate number nga 063508 kag chassis number Bc175f- ba1737 matapos ginapahayag nga ginkawat kagab-i sa Sitio Libas, Barangay San Esteban, Pilar.

Suno sa tag-iya alas 7 sang gab-i sang ginpark ang amu nga traysikol sa guwa sang ila balay sa kilid sang dalan, apang sang kaagahon na nadiparahan nga wala na sa lugar ang amu nga behikulo.

Dyutayan man mataban ang isa ka Kawasaki Bajaj nga motorsiklo matapos sa kanal na marecover sang tag-iya.

Samtang malayo na sa ginparkingan nakita man ang brgy patrol sidecar sang barangay San Esteban.

Suno sa pila ka mga residente may duha ka lalaki nga mga alas 8 sang gab-i ang naghapit sa isa ka tindahan agud magbaligya sang iya cellphone bangud ginapahayag nga wla ini sang pamasahe papuli sa banwa sang Jamindan. kag suno naman sa pila ka menor de edad may duha man ka makaduluda nga lalaki ang nakita nga naga tulod sang tricycle.

Sa karon, padayon ang pagpangita sang tag-iya kag panawagan sini kun sin-o ang makakita kag mabaligyaan sang traysikol magpakig-angut lang sa kapulisan.