ROXAS CITY – Partially burned ang isa ka Bajaj nga tricycle matapos masunog sa Sitio Pukol, Brgy. Astorga banwa sang Dumarao takna 9:00 kagab-i.
Ginkilala ang tag-iya sang behikulo kay Jennelyn Faseronda, 31-anyos kag residente sang nasambit nga lugar.
Sandig sa impormasyon nga nakuha sang Bombo Radyo nagikan sa Dumarao PNP, ginkakibot nalang sang tag-iya sang nakita sini nga nagakalayo kag nagakasunog ang iya nga tricycle nga may karga sang utanon kag prutas nga inug-baligya kuntani sa merkado.
Ginpahayag alas 9:00 sang gab-i nagsugod ang sunog kag napalong takna alas-10 matapos nagbuliganay ang mga residente sa pagbasya sang tubig tubtob sa nag-abot ang Dumarao BFP.
Sa inisyal nga imbestigasyon nagalab-ot sa masobra P50,000 ang kahalitan tuga sang sunog.
Sa karon, padayon ang imbestigasyon sang Dumarao BFP kun ano ang gintunaan sang sunog.
