Patay ang 77 anyos nga iloy matapos ginpulpog sang bato sa ulo sang iya mismo anak.
Sa report sang Police Regional Office (PRO 8), natabo ang insidente sa balay sang pamilya sa Barangay Macupa, Leyte.
Sandig sa imbestigasyon, nagpauli nga gutom ang 35 anyos nga suspek halin trabaho kag nagpadulong sa kusina agud magkaon kuntani.
Apang ginaalegar nga naabtan sini nga wala sang tinig-ang kag wala man sang sud-an rason nga naakig ang suspek.
Nagkuha ini sang dako nga bato kag ginpulpog sa ulo sang iya iloy nga duguon nga natumba kag dead-on-the-spot sa insidente.
Gilayon naman nga nagpalagyo ang suspek matapos ginsipa pa ang tigulang nga wala na nagahulag.
Naabtan na lang sang anak nga babaye ang iya iloy nga duguon kag nadiskubrehan lamang ang krimen base sa mga kasilingan.
Natigayon naman nga madakpan sang kapulisan ang suspek pinaagi sa follow-up operations sa Barangay Belen, Leyte.
