Tripulante sang sakayan pangisda dakup sa akto nga iligal nga nagapangisda

PANAY, CAPIZ – Dakup sa akto ang mga mangingisda sang FB Andrei Pamo nga iligal nga nagapangisda sa kadagatan nga sakup sang banwa sang Panay.

Kalakip sa mga tripulante sang sakayan pangisda amo sanday Erjun Borres-boat captain, Aljun Dequiña kag Gerlier Borres, lunsay mga residente sang Barangay Binurwagan, Carles, Iloilo.

Nadakpan sa akto ang nahinambitan nga mga mangingisda nga iligal nga nagapanagat sa kalalawran sang Panay nga wala sang nagakaigo nga permiso sa diin ila ginalapas ang municipal ordinance No.03-02 series of 2003.

Ginkumpiskar sa mga mangingisda ang ila sakayan, 2 ka makina kag 40 kilos sang nagkalain lain nga isda.