Ginpakamalaut ni U.S. President Donald Trump si German Chancellor Friedrich Merz bangud sa pagpamalibad sang Germany nga magpadala sang suporta militar agud siguraduhon ang seguridad sa Strait of Hormuz.
Sa isa ka interview sa Miami, ginsiling ni Trump nga “not enough” ang amot sang pila ka mga NATO allies kasubong sang France kag United Kingdom.
Suno kay Trump, gintumod ni German Defense Minister Boris Pistorius nga “This is not our war,” nga ginpaanggid niya sa sitwasyon sa Ukraine. Ginpunto man ni Trump nga mahimo nga liwat nga usisaon sang U.S. ang ila nga commitments sa NATO base sa kontribusyon sang mga kaalyado.
Samtang, ginpakalma ni German Foreign Minister Johann Wadephul ang sitwasyon, ginsambit nga wala pa sang opisyal nga request halin sa U.S. para sa military support kag pagatalakayon lamang ini pagkatapos magtawhay ang mga kinagamo.
