Liwat nga gin-apinan ni U.S. President Donald Trump si Israeli Prime Minister Benjamin Netanyahu kag gintawag nga “political witch hunt” ang ginapatigayon nga hearing batuk diri.
Suno kay Trump, “terible” kag indi makatarungan para kay Netanyahu, nga ginakabig niya nga isa ka “War Hero” kag lider nga may dako nga kontribusyon sa relasyon sang Israel kag Estados Unidos, subong man sa pagpugong sa pamahog sang Iran.
Sa isa ka post sa Truth Social, ginsiling pa ni Trump nga ang hearing mahimo nga makaapekto sa negosasyon ni Netanyahu sa Hamas, nga ginakaulamiran sang pagpabalik sang mga hostages.
Ginpakamalaut man sini sang padayon nga hearing sa Prime Minister sa pihak sang mga seryoso nga isyu kasubong sang seguridad sang pungsod.
Ginsaway man sang Presidente sang Amerika ang mga pag-akusar kay Netanyahu, kasubong sang pagbaton sang malahalon nga pagkabutang gikan sa mga negosyante kabaylo sang mga pabor sa politika. Samtang, padayon nga ginapakig-bato ni Netanyahu ang iya sini nga paging inosente kag hugot nga ginpanginwala sang mga pagpanimangod batuk sa iya.
Madumduman nga nag-umpisa ang hearing para sa Prime Minister sang 2020 para sa mga kaso nga bribery, fraud, kag breach of trust.
