Ginpahayag ni US President Donald Trump nga igakonsiderar sini ang pagpangbomba liwat sa Iran kun padayon nga gina-enhance sang Tehran ang uranium sa isa ka level nga nagatuga sang kahangaw sa Estados Unidos kadungan sang pagsuporta sini sang inspections sang bombed nuclear sites sang Iran.
Gindugang sini nga nagpasugot siya nga magpatigayon sang inspection sa mga nuclear sites sang Iran nga una nga ginbombahan sang US.
Sa masunod nga mga inadlaw, magasabat ini sa pahayag nga ginhimo ni Supreme Leader Ali Khamanei sang Iran nga daw kaangay nga gintampa nila ang US sa ila pag-atake sa US airbase nga nakabase sa Qatar.
Wala nagapati ang Presidente sang Estados Unidos nga padayunon sang Iran ang ila nukleyar nga programa pagkatapos sang ila pagpamomba.
