Ginsiling ni President-elect Donald Trump nga hatagan niya sang 90diyas nga extension ang TikTok matapos nga ma-ban ini subong nga adlaw Enero 19, 2025, isa ka adlaw antes ang ika-47 nga inauguration ni Trump sa Lunes bilang pangulo sang Estados Unidos.
Suno diri nga magahatag siya sang pormal nga anunsyo sa tion nga siya ang magapanumpa na sa pwesto.
Kung sa diin ginsiling sini liwat ang pahayag nga;
‘The 90-day extension is something that will be most likely done, because it’s appropriate. You know, it’s appropriate. We have to look at it carefully. It’s a very big situation,’
Ini man ang kadungan sa nangin desisyon nagikan sa Korte Suprema sang Estados Unidos nga nagadumili sa TikTok magluwas na lamang kung ang parent company sini nga Chinese ByteDance magabaligya sang platform antes ang iya nga pagpanumpa.
Apang, nagpamalibad ang ByteDance nga ibaligya ang nasambit nga platform.
Bilang sabat, nagpaandam ang TikTok nga posible magdulom kag indi na mahimo magamit sang sin-o man nga Amerika sa tion nga indi paghatagan sang kasiguraduhan sang administrasyon ni Biden ang mga service provider nga indi pag-ipatuman ang pagdumili nga paggamit sini.
Bangud sini, gintawag sang tagpamaba sang White House nga si Karine Jean-Pierre nga isa ka “stunt” ang paandam sang TikTok kag ginsiling nga ang pagpatuman sang layi responsibilidad na sang bag-o nga administrasyon.
