May yara na sang kasugtanan pangkalakalan sanday US President Donald Trump kag Presidente Ferdinand Marcos Jr.
Ginsiling ni Trump nga tanan sang mga produkto nga nagikan sa Pilipinas ang pagapatungan na lang sang 19 percent nga taripa nagikan sa nauna nga anunsiyo nga 20 percent.
Samtang ang mga produkto sang US nga padulong sa Pilipinas, indi na pagpatungan sang taripa.
Ginakabig man ni Trump nga isa ka mapinuslanon ang nangin pagbisita ni Marcos sa White House.
Una na nga ginsiling ni Trump nga preparado ini nga mag-angkon sang trade deal kay Marcos kun sa diin ginhambal pa sini nga masyado ka bug-at ang ginahirit sang presidente sang Pilipinas.
Madumduman nga madamo na sang mga pungsod ang nakighinala kay Trump matapos sini nga gin-aunsiyo ang mga taripa nga ipatuman sa ila nga mga produkto nga mangin epektibo sa Agosto 1.
