Bangud sa kainit sang panyempo, nag-order ang doktor nga si Orlem Brandon Serrao nagikan sa Mumbai, India sang tatlo ka ice cream cones pinaagi sa isa ka online grocery delivery app.
Samtang ginakaon na sang mga ini ang butterscotch-flavored ice cream, hinali ini nga nakagat sang isa ka matig-a nga bagay.
Nagalaum siya sang una nga mani ukon tsokolate lang ini; apang matapos ini nga ginluad, diri na sini nakita ang Isa ka utod nga tudlo sang tawo.
Sang gintan-aw ang ginluad nga sahog sang ice cream, natalupangdan ni Serrao ang kuko kag fingerprints sini.
Bangud isa ka doktor, pamilyar ini sa mga bahin sang lawas kag nakumpirma niya nga isa ini ka kumalagko.
Gilayon niya ini nga ginpahibalo sa mga pulis.
Suno sa manufacturer nga Yummo Ice Cream, gin-untat na nila ang produksyon sang nasambit nga produkto.
Ginsiguro man nila nga magabulig ang mga ini sa imbestigasyon angut sa insidente.
Kaangut sini, isa ka wala na ginhingadlan nga empleyado sang Yummi Ang ginkasuhan sang food adulteration kag endangering human life.
Sa karon, ginpadala na sa isa ka forensic laboratory ang utod nga tudlo agud matumod kun ginapanag-iyahan bala ini sang tawo ukon sapat.
