Typhoon Saudel magasulod sa PAR sa Lunes kag tawgon nga Obet

Ginalauman nga masulod sa Philippine Area of Responsibility (PAR) sa Lunes ang bagyo Saudel nga pagatawgon nga Obet.

Suno sa PAGASA, posible sa aga ukon hapon sang Lunes ang pagsulod sang malain nga panahon sa PAR.

Pahayag sang weather bureau, isa sa mga rason kun ngaa mangin magal-umon sa masunod nga semana amo ang tropical cyclone sa guwa sang PAR.

Ginalantaw nga indi man mag-landfall ang bagyo apang pabaskugon sini ang Southwest Monsoon ukon Habagat.

Magluwas sa Saudel, gina-monitor man sang PAGASA ang tropical depression nga mahimo magsulod sa PAR.