Nagasugod na kita sa BER-months sa diin maga-umpisa naman ang paskwa sa pungsod.
Pat-od nga indi na naman madula sa mga lamesa ang paborito nga ice cream, cake, tinapay kag iban pa nga handa.
Apang isa ka man bala sa mga indibidwal nga tuman ka paborito ang ube sa diin ang halos tanan nga ginahanda nga pagkaon ang may flavor nga ube?
Ang ube ukon ‘purple yams’ ang kilala bilang tuberous root vegetable nga naghalin sa Southeast Asia kag ginakabig nga indigenous staple food sang Pilipinas.
Apang ang ube indi lang basta-basta matam-is nga flavor nga ginagamit sa nanuhay-tuhay nga dishes ukon linuto, bangud manggaranon ini sa vitamins, minerals kag antioxidants nga tuman ka bentaha sa ikaayong lawas.
Suno kay Dr. Susan McCabe, Mental Health dietitian sa London, England, puno ang ube sang antioxidants, vitamin C kag anthocyanins nga nagabulig panubo sang blood pressure kag inflammation, kag nagabulig protiher sa lawas batok sa cancer kag type 2 diabetes.
Ang vitamin C nga yara sa purple yams ukon ube ang nagabulig sa cells sang lawas nga mangin healthy, nagapa-boost sang iron absorption, kag nagapalikaw sa pagkaguba sang DNA.
Pahayag sang doktor, santo sa ginpatigayon nga test-tube study, natukiban man nga ang cyanidin kag peonidin nga sakop sang anthocyanins nga yara sa ube, ang nagapa-reduce sang growth sang nanuhay-tuhay nga sahi sang cancer kaangay sang: Colon cancer, Lung cancer kag Prostate cancer.
