Mainit nga ginbaton ni Presidente Ferdinand Marcos Jr. si United Kingdom Foreign Secretary David Lammy sa iya nga courtesy call sa Malacañang Palace kahapon nga adlaw sang Sabado, Marso 8.
Nagbisita kahapon nga adlaw si Secretary Lammy para sa iya nga isa ka adlaw nga official visit agud pabakuronpa ang enhanced partnership sa tunga sang Pilipinas kag UK nga ginlunsyar sadtong 2021 pinagi sang pagpirma sa isa ka Joint Framework of the Enhanced Partnership.
Sa courtesy call, ginpahayag ni Presidente Marcos nga kaya pa nga pabaskugon ang people-to-people exchanges bangud sa mabaskog nga relasyon sang 2 ka pungsod kun sa diin nakitaan sang significant increase sa numero sang mga Pilipino nga nagapuyo kag nagatrabaho sa UK.
Ginpalab-ot man sang presidente ang pagpasalamat sang mga Pilipino nga nakabase sa UK para sa pag-abi-abi sa ila.
Magasentro naman sa paghinun-anon ang mga isyu may kaangtanan sa trade and investments, maritime, climate change kag environment.
Matandaan nga pormal nga natukod ang diplomatic relations sa tunga sang PH kag UK sadtong Hulyo 4, 1946.
