UK Government, nagpaguwa sang travel warning sa Israel

Nagpaguwa sang advisory ang United Kingdom government sa ila pumuluyo nga likawan ang pagbiyahe sa Israel.

Kasunod ini sa padayon nga tensiyon kag baslanay sang rockets sang Israel kag Iran.

Suno sa Foreign, Commonwealth and Development Office nga nagalala na ang tensyon sa duha ka pungsod kag ini ang posible nga magdugay pa.

Gin-abisohan na nila ang ila mga pumuluyo nga yara sa Israel nga sundon ang anuman nga mandu sa ila sang gobyerno para sa ila nga kaluwasan.

Gindumilian man nila ang mga pumuluyo nga indi na magbiyahe padulong sa Iran bangud sa nasambit nga kinagamo.