Gin-umpisahan na sang Ukraine ang pagpadala sang mga drone experts sini sa pila ka mga pungsod sa Middle East agud sagangon ang drones sang Iran.
Suno kay Ukrainian President Volodymyr Zelenskyy nga may yara sang lima ka mga pungsod sa Middle East ang nagapangayo sang bulig sa ila.
Magluwas pa diri ang hingyo man sang US kag Europe sang dugang nga suporta.
Ginatun-an man sang Ukraine kun sarang nila nga mabalik ang seguridad sa Strait of Hormuz kun sa diin ginatarget sang Iran ang mga naga-agi nga mga barko.
Nahibaluan nga nagpanguna sa bilog nga kalibutan ang Ukraine nga nagahimo sang cutting-edge, battle-tested drone interceptors nga barato na, epektibo pa.
Ini ang gamit sang Ukraine sa ginapatigayon nga pag-atake sang Russia sang masobra apat na ka tuig.
Dugang pa ni Zelenskya nga ginatun-an nila ang tagsa ka hulag sang Shahed drones nga ginapabugal sang Iran.
