Nagapati ang United Nations nga mag-angkon sang global impact ang anuman nga mangin resulta sang 2024 US Presidential Elections.
Ini ang nangin sabat ni UN spokesman Stephane Dujarric, matapos ini nga mapamangkot angut sa posisyon ni UN Secretary-General Antonio Guterres sa US Elex.
Apisar wala na ginpalawig pa ni Dujarric ang eksplenasyon, gintumod sini ang nangin pahayag ni Gutterres sa nakaligad nga UN General Assembly kun sa diin ginpahayag sini nga katunga sang populasyon sang bug-os nga kalibutan ang magaboto subong nga tuig, kag tanan ang maapektuhan sa nasambit nga boto.
Ang nasambit nga pahayag ang nagatumod sa pagboto sang halos 4 billion ka botante subong nga tuig sa masubra 50 ka pungsod, kalakip na ang US kag suno sa 2022 census ang may yara in sang 161.42 million botante.
