-- ADVERTISEMENT --
Magahiwat sang pagtililipon ang United Nations Security Council sa natabo nga pag-atake sang Israel sa al-Tabin shelter sa Gaza City.
Ang nasambit nga pag-atake sang Agosto 10 ang ginkaapatay sang 100 nga Palestino nga kalabanan sa mga ini ang nagpanilong lamang sa buluthuan matapos nga madulaan ini sang puluy-an bangud sa giyera.
Ang natuyo sang pagtililipon nga diskusyunan ang alin man nga posible nga maghiwat sang mga pungsod nga nagatindog nga mediators nga ginakalakipan sang US, Egypt kag Qatar para mas iduso sang mga ini ang ceasefire.
Una na nga ginkondinar sang UN ang ginhimo nga pag-atake nga ini sang Israel sa mga buluthuan nga ginahimo nga temporaryo nga ginatiniran sang mga nadulaan sang puluy-an nga mga Palestino.
