Ginakabig sang Department of the Interior and Local Government (DILG) nga pangkabilugan nangin malinong ang una nga adlaw sang rally nga gin-organisar sang Iglesia Ni Cristo (INC).
Ginpahayag ni Interior Secretary Jonvic Remulla nga ginpreparar na sang gobyerno ang nasambit nga tatlo ka adlaw nga rally nga may anuman nga destabilizers.
Kaupod sang Secretary nga nagbisita sa pila ka mga lugar sa diin nagtililipon ang hepe sang Philippine National Police (PNP) Lieutenant General Jose Melencio Nartatez Jr. kag National Capital Region Police Office (NCRPO) director Major General Anthony Aberin.
Dugang pa sini nga ang mga lideres sang INC nagtuman sang sila nagkit-anay nga ang aksyon protesta mangin malinong.
Sigurado man ang tiglikom nga indi magbag-o ang ila ipatuman nga seguridad sa ikaduha tubtub katapusan nga adlaw sang rally nga pagahiwaton sang INC.
Madumduman nga naglab-ot sa 650,000 ang nagtambong sa una nga adlaw sang rally sa Quirino GrandStand.
