ROXAS CITY, CAPIZ- Tuman ang kalipay sang labing-una nga successful nga blood donor sang Dugong Bombo 2025: ‘A little pain, a life to gain!’ sang Bombo Radyo Philippines Foundation Inc. kaupod ang Philippine Red Cross nga ginpatigayon sa Capiz State University-Main Campus, Roxas City sang Nobyembre 15, 2025.
Sa interview sang Bombo Radyo kay Fely Daños De Juan, 46-anyos, kag residente sang Brgy. Bilao, Sapian, Capiz, iya ginpahayag nga ini ang una nya nga mag-donar sang dugo sa nasambit nga programa sang network.
Suno kay De Juan, ang pag-donar sang dugo ang isa ka pamaagi sa pagbulig sa iban ka tawo nga nagakinahanglan.
Pahayag niya, nakaekperyensya siya anay sang kakulangan sang dugo sang nagakinahanglan siya, kabangdanan nga amo ang nag-inspire sa iya sa pag-donar sang dugo.
Nahibaluan nga si De Juan, ang ika-pito na ka bes nga naka-donar sang dugo sa nagkalain-lain nga mga programa.
Nagapasalamat naman ang natungdan sa Bombo Radyo, bangud nga sa sini nga programa, naka-donar siya sang iya nga dugo.
Interviewed by Bombo Roadnie Daban Dalanon
