ROXAS CITY – Ginpatigayon ang una nga kahiwatan subong sang Kadiwa ng Pangulo Diskwento Caravan subong nga tuig kadungan sang Labor Day, Mayo 1, 2025 sa Capiz Provincial Park, Roxas City.
Ginpangunahan sang Department of Labor and Employment (DOLE) Capiz ang nasambit nga kahiwatan kaupod ang Department of Agriculture (DA)-Provincial Agriculturist Office, Department of Trade and Industry (DTI), Department of Social Welfare and Development (DSWD), LGU-Capiz kag lain pa nga mga ahensya.
Suno kay Ms. Antonette Diaz, Agriculturist II / Provincial Agri-Business Coordinator sang Provincial Agriculturist Office, ginpahayag nga nagsugod ang Kadiwa ng Pangulo sa probinsya sang Capiz sang tuig 2023 kun sa diin nga nagkaara na ini sang ordinansa sa probinsya.
Dugang pa sini, ang Kadiwa ng Pangulo ang may katuyuan nga hatagan sang direkta nga tion kag lugar ang mga mangunguma kag mga manog-pangisda nga ibaligya ang tagsa nila sini ka mga produkto. /
Mahibaluan nga sang tinalikdan nga tuig 2023, ginpatigayon sang isa lang ka bes ang Kadiwa ng Pangulo, napulo (10) naman ka adlaw sa pili lang nga mga binulan sang tuig 2024 kag sa karon nga tuig 2025, sumugod Mayo tubtob Disyembre, sa kada bulan magapatigayon sang Kadiwa ng Pangulo sa amu man nga lugar.
Sa pihak nga bahin, sa mga persona nga maluyagon magpasakop sa Kadiwa ng Pangulo, mahimo nga makig-angut sa talatapan sang Provincial Agriculturist Office, Roxas City agud nga maasister kag bukas para sa tanan ang ini nga programa, ibdibidwal man ukon asosayon kag kooperatiba.
Samtang, nagapasalamat naman si Ms. Diaz sa tanan nga mga nagkalatungdan kag kaupdanan nga mga ahensya sa pagpatigayon sang sini nga kahiwatan kag sa mga bumalakal sa pagsuporta sang mga locally produced agricultural kag aquacultural products.
