ROXAS CITY – Patigayunon na buwas nga adlaw sang Department of Justice (DOJ) ang una nga preliminary investigation may kaangtanan sa kaso sang suspendido nga si Bamban, Tarlac Mayor Alice Guo kag iban pa nga ginkasuhan sang qualified trafficking.
Suno kay Justice Secretary Jesus Crispin Remulla, wala sang makaluwas sa imbestigasyon ilabi na kun mabakod ang mga ebidensiya nga ginpreparar.
Nagsugod ang kaso sa reklamo nga gin-file sang Presidential Anti-Organized Crime Commission kag sang Criminal Investigation and Detection Group sa DOJ sadtong June 21.
Gin-akusaran sanday Guo kag 13 pa nga respondents nga imbolbado sa operasyon sang Zun Yuan Technology nga anay Hongshen Technology nga pareho nga mga POGO hubs nga may kahilabtanan sa forced labor, human trafficking, online fraud kag investment scams.
Nahibaluan suno diri sang mga respondent ang mga iligal nga aktibidad nga nagakatabo sa sulod sang Baofu compound rason nga ginkasuhan.
