Nagtaas ang unemployment kag underemployment rates sang Enero subong nga tuig sandig sa record sang Philippine Statistics Authority.
Ang data nagapakita nga ang jobless rate sa pungsod nagsaka sang 5.8 percent sang Enero humalin sa 4.4 percent sang Disyembre 2025.
Buot silingon, 2.96 million Filipino workers ang wala sang trabaho sang Enero, mas mataas kun ipaanggid sa 2.26 million sang Disyembre.
Ini na ang pinakamataas nga unemployment rate sa sulod sang 43 ka bulan ukon humalin sang Hunyo 2022.
Samtang ang underemployment rate ang nagtaas man sang 13.2 percent sang Enero humalin sa 8 percent sang Disyembre.
Buot silingon, 6.35 million workers ang underemployed sang amo nga bulan, mas madamo kun ipaanggid sa 3.93 million workers sang tinalikdan nga bulan.
Ang mga underemployed workers amo ang mga may trabaho na apang nagapangita pa sang dugang nga trabaho ukon work-hours.
