Gindayaw sang United Nations ang preparasyon sang Pilipinas antes pa man ang makahalalit nga epekto sang Super Typhoon Uwan.
Suno kay UN Resident kag Humanitarian Coordinator nga si Arnaud Peral, ang episyente nga paghanda, pre-emptive evacuations kag iban pa nga nagakaigo nga mga sabat wala sang pagpangduha-duha nga nakaluwas sang madamo nga kabuhi.
Gintumod man sang UN Office for the Coordination of Humanitarian Affairs ang padayon nga pagresponde kag recovery efforts sang gobyerno sang Pilipinas kasunod sang ginakabig nga isa sa pinakadaku nga pre-emptive evacuations nga na-record sa kasaysayan sang pungsod.
Matandaan nga naglab-ot sa 1.3 million ka mga indibidwal ang gin-evacuate sa 13 gikan sa 18 ka mga rehiyon antes nag-landfall ang Super typhoon.
Samtang, nagpaandam naman ang Unuted Nation nga mahimo ma-eksperyensyahan pa ang mas mabaskog nga mga bagyo kaangay sang Uwan samtang nagainit ang kadagatan nga nagapalibot sa Pilipinas bangud sa climate crisis.
