ROXAS CITY – Padayon nga gina-ayam sang mga katapo sang Tapaz Municipal Police Station ang suspetsado sa pagluthang kag paglabo-patay sa 33-anyos nga mangunguma sa Barangay Daan-Sur, banwa sang Tapaz.
Sa interview sang Bombo Radyo kay PMaj. Leomindo Tayopon, hepe sang nasambit nga poplice station, nga madasig nga nalagyo ang suspek nga si Benrio Damas, miyembro sang CAFGU nga nakaba-se sa nasambit nga barangay apan residente sang Brgy.Nayawan, sa amu man nga banwa.
Matandaan nga sandig sa nangin imbestigasyon sang mga katapo sang Tapaz MPS, nagpadulong sa sari-sari store sang suspek, ang nakainom sang makahulubog nga ilimnon nga biktima nga ginkilala kay Gedion Olido, kag residente sang Sitio Cubay, Brgy. Daan-Sur, apang nagpatunga ang indi pag-intindihanay sa duha, kag ginpahayag nga nagpanghana’ nga lab-on sang biktima ang suspek.
Bangud sini, posible naimpito ang suspek kag ginluthang ang biktima.
Wala man narekober ang armas-luthang nga ginaalegar 12-gauge shotgun nga gingamit sang CAFGU member sa nasambit nga insidente.
Related story here: https://www.facebook.com/294194440601992/posts/5239621309392589/
