Ginpaulanan sang mga rocket kag lima ka mga drone ang US Embassy sa Baghdad, Iraq.
Ginlaragway sang mga lokal nga opisyal ang insidente bilang pinakamalala nga pag-atake sa embahada halin sang nagsugod ang tensyon sa tunga sang Estados Unidos sang America, Israel, kag Iran.
Duha sa mga drone ang na-intercept sang C-RAM air defense system, apang ang isa nag-igo sa compound sang embahada.
Nakit-an man sang mga residente ang mabaskog nga paglupok kag maitom nga aso sa kahanginan sa ibabaw sang kapital sang Iraq.
Ang nasambit nga pag-atake nagtuga sang dugang nga tensyon sa rehiyon, ilabi na nga kabahin ini sang mas malapad nga giyera kag mga insidente sang rocket kag drone attack sa mga diplomatiko nga pasilidad sang Iraq.
Sa subong, wala pa sang opisyal nga report sang casualties ukon grabe nga kahalitan gikan sa embahada.
