Padayon nga gina-monitor sang US ang natukiban sini nga ginapahayag alyansa kag pagpakighimbon sa tunga sang China kag Houthi rebels na nagbabantang sumira sa stability ng Red Sea.
Sandig sa impormasyon nga ginpaguwa sang pila ka international news organization, nagabaylohanay suno diri ang China kag rebelde nga Houthi sang serbisyo kag war materials pinaagi sa kumplikado kag patago nga supply chain.
Sa idalom sang amu nga supply chain, ginapahayag nga ginatugutan sang mga rebelde ang pag-agi sang mga barko nga may Chinese flag kabaylo sang mga Chinese-made weapon.
Ang nasambit nga sistema ang gintukod suno diri sang mga rebelde humalin pa sadtong nagsugod ang mga asud-asod nga pagpang-atake sa Red Sea. Pinaagi sini nahimo sang mga rebelde nga makakuha sang mga advanced component para sa ila nga ballistic kag cruise missile.
Base pa sa US intelligence, ginaplano man sang mga rebelde nga maghimo sang ginatos nga cruise missile nga may ikasarang nga labu-ton ang mga pungsod nga yara sa Persian gulf, gamit ang mga military component nga nakuha gikan sa China.
Apisar indi direkta nga ginatudlo sang US ang Chinese government nga may kahimuan sini, makapila ka beses na suno diri nakig-angut ang Washington sa Beijing agud ipalab-ot ang nasambit nga butang, kalakip na ang mga kumpaniya nga may kaangtanan sa nasambit nga supply chain apang wala sa gihapon sang sabat diri ang Chinese government.
