Ginklaro sang Estados Unidos nga wala ini nakig-giyera kontra sa Russia sa tunga sang pagsuporta sa Ukraine.
Ginhimu ni United States Department of Defense (DoD) Press Secretary Air Force Maj. Gen. Pat Ryder ang pagklaru kasunod sang dalayon nga pagpadala sang US sang suporta para sa Ukraine nga amo naman ang ginagamit sang ulihi para sa opensiba sini kontra Russia.
Matandana sini nga pagsugod sang Agusto gin-umpisan sang Ukraine ang counter offensive kag ginsulod ang border sang Russia tubtob sa Kursk Region.
Suno kay Ukrainian Pres Volodymyr Zelensky, nakabulig sang dako ang mga military shipment nga halin sa mga kaalyado nga pungsod ilabi na ang US.
Pagklaro ni Gen. Ryder, wala ginagiyera sang US ang Russia apang ginasuportahan lamang sini ang Ukraine nga nauna nga nisulong.
Ang suporta sang US sunu ang importante agud maprotektahan sang Ukraine ang teritoryo kag pumuluyo sini.
