Nagpromisa nga magahatag sang P1.6 billion ang United States, Japan kag Korea sa sulod sang lima ka tuig agud mabuligan ang Pilipinas nga mapaayo ang health services sa Bangsamoro Autonomous Region in Muslim Mindanao (BARMM).
Nagtingub sang pwersa ang US Agency for International Development (USAID), Japan International Cooperation Agency (JICA) kag ang Korea International Cooperation Agency (KOICA) para mas mapa-usway pa ang Universal Health Care sa rehiyon.
Sa idalom sang Memorandum of Cooperation, ang tatlo ka ahensya ang mapakig-angutan sa BARMM’s Ministry of Health (BARMM-MOH), Department of Health (DOH), local communities kag iban pa nga key stakeholders para sa mas maayo nga health information systems.
Pagadugangan man sang mga ini ang public health financing; ihatag ang maayo nga public health practices; palapnagon ang mga de-kalidad nga healthcare services, kag paayuhon ang access sa mga importante nga bulong, pasilidad kag kagamitan.
