Isa ka hukom sa Estados Unidos, ang temporaryo nga nagpauntat sa mandato sang nagapanumbalik nga si US President Donald Trump nga isaylo ang transgender women sa mga presohan nga panglalaki kag untaton ang ila gender-affirming care.
Sa nangin desisyon ni U.S. District Judge Royce Lamberth, pabor siya sa tatlo ka mga transgender inmates nga nagpasaka sang kaso batuk sa polisiya, nga ila ginapahayag paglapas sa konstitusyon.
Suno sa mga nagpasaka sang kaso, mas mataas ang katalagman nga makaeksperyensya sang pagpang-abuso sekswal ang mga
transgender women pananglitan nga pagadal-on ang mga ini sa men’s prisons, butang nga nagapamalabag sa kinamatarong batuk sa “cruel and unusual punishment.”
Ang mandato ni Trump, nagamando sa gobyerno nga kilalahon lamang ang duha ka gender base sa biological sex kag untaton ang pagpondo sa gender-affirming medical care sang mga preso.
Mahibaluan nga base sa datos sang Estados Unidos, may yara na sang 2,230 nga mga transgender inmates kung sa diin kadam-an
sa 1,506 ka mga transgender women ang nakahunong sa men’s prisons.
