Ginkumpirma sang US military nga naglunsyar ini sang “self-defense strikes” sa Qeshm Island sang Iran samtang ang mga missile kag drone sang Iran nagpuntirya sa mga installations sang Amerika sa Kuwait kag Bahrain.
Ginrason sang US nga ginlunsar sini ang self-defense attack bilang resulta sang aktibidad sang Iran sa rehiyon, lakip na ang indi lamang pag-atake sa US Fifth Fleet sa Bahrain kundi pati man sa Qeshm Island.
Ginpahayag sang US Central Command (CENTCOM) nga duha ka ballistic missiles sang Iran ang na intercept sang US kag Bahrain.
Samtang, ginkumpirma man sang US nga na-intercept sini ang tatlo ka drones nga ginlusyar sang Iran padulong sa mga civilian mariners sa rehiyon.
Sa pihak nga bahin, ginpanindugan sang Estados Unidos nga sa pihak sang away sa tunga sang pwersa sang US kag Iran, nagaluntad sa gihapon ang ceasefire sa tunga sang duha ka pungsod.
