Magabulig na ang US investigators sa pagbagsak sang pampasahero nga eroplano sa South Korea nga ginkapatay sang 179 ka persona.
Suno kay Joo Joong-wan ang transport ministry official, nga ila na nga nabawi ang flight data kag cockpit voice recorder sang nasambit nga eroplano.
Diri matunod kun ano ang gintunaan sang aksidente nga base sa inisyal nga imbestigasyon amo ang bangud sa bird strike.
Magapabilin naman nga sarado ang nasambit nga runway sang paluparan tubtob sa Enero 1.
Nagpadulong na man sa lugar sang natabo sa South Korea ang acting president Choi Sang-mok kun sa diin ginsiguro sini nga pagahimuon nila ang tanan mabuligan lang ang mga biktima.
Wala naman malikawan nga maakig ang mga himata sang mga biktima kun sa diin nagpadulong ang mga ini sa lugar kag ginkaakig ang mahinay nga pagresponde sang mga otoridad.
Bangud sa insidente, nagdeklarar ang gobyerno sang South Korea sang seven days of national mourning.
Matandaan nga ang Boeing 737-800 nga Jeju Air Flight 2216 ang gikan sa Bangkok, Thailand nga kun sa diin bumagsak sa Muan airport matapos ang bird strike. Nagpangayo na man sang pasaylo ang Jeju Air sa mga himata sang mga napatay nga biktima.
