Natalana nga magatan-ay sang dugang nga $1 million ang Estados Unidos sa Amerika sa Pilipinas nga pagagamiton para sa humanitarian aid nga pagapangunahan sang USAID kag World Food Programme.
Sa pagbisita ni Austin sa Malakanyang, ginpahayag sini nga ginhatagan na sini sang otorisasyon ang tanan nga US forces nga yara sa pungsod agud magbulig sa nagapadayon nga rescue, relief and rehabilitation efforts sang gobyerno.
Ini bangud sa pagpanglaslas sang mga nagtupa nga bagyo.
Mahibaluan ang dugang nga $1 million nga bulig, magluwas pa sa 100,000 pounds nga suplay nga ila ginhatag sa mga nauna nga bagyo kag nagapadayon sa gihapon nga bulig agud mas madasig nga makabangon ang mga apektado sang kalamidad.
Ang alyansa sang Pilipinas kag Amerika mas tuman nga nagbakod sa nakaligad nga 40-tuig.
Sa paghinun-anun nanday Pangulong Marcos kag Sec. Austin nahinalaan kung ano pa ang iban nga mga bulig nga mahimo ihatag sang US sa Pilipinas.
Sa pihak nga bahin, nagpalab-ot naman sang pagpakig-unong kag pangamuyo ang Amerika sa Pilipinas kag mga Pilipino nga ginlaslas sang mga nagtupa nga bagyo.
