Gin-anunsyo ni U.S. President Donald Trump sang Biyernes nga ang paghambalanay sang Amerika sa China mahimo magsugod sa subong nga adlaw ukon buwas nga adlaw nahanungod sa posible nga kasugtanan para sa pagbaligya sang TikTok.
Madumduman nga sang nagligad nga bulan, ginpalawig ni Trump ang deadline para sa ByteDance, ang tag-iya sang TikTok nga nakabase sa China, sa pagbaligya sang mga assets sang app sa U.S. tubtob sa Septyembre 17.
Ang isa ka kasugtanan sa pagsaylo sang mga operasyon sang TikTok sa U.S. sa isa ka bag-o nga kompanya nga nakabase sa U.S. halos natapos na sini nga tuig, apang na-untat pagkatapos nga nagpamatok ang China, kasunod sang pag-anunsyo ni Trump sang mas mataas nga taripa sa mga balaklon sang China.
Suno sa Presidente, kinahanglan pa nga aprubahan sang China ang anuman nga kasugtanan.
Trump, ginpanugyan sa Ukraine nga kinahanglan sini ang mga Patriot missiles
Ginpahayag ni US President Donald Trump nga ang Ukraine nagakinahanglan sang Patriot missile systems para sa ila depensa pagkatapos sang paghambalanay upod kay Ukrainian President Volodymyr Zelenskiy sang nagligad nga Biyernes.
Suno kay Zelenskiy, gin-istoryahan na nila ni Trump ang pagpabakod sang mga air defense capabilities ng Ukraine, lakip ang joint production, pagbakal, kag pag-invest sang defense military. Ang lider sang Ukraine nagdugang nga magahiwat sila sang mga pagsinapol agud hambalan ang mga detalye.
Samtang, nagpaandam naman ang Kyiv nga posible magluya ang ila depensa matapos ginpauntat sang Washington ang pila ka mga kargamento sang armas.
Ang Alemanya, sa pihak nga bahin, naganegosyar sa pagbakal sang mga sistema sang Patriot agud temporaryo nga mapun-an ang kakulang.
Una nga nagduso ang Germany sa Ukraine nga magbakal sang Patriot systems agud temporaryo nga mapun-an ang kakulangan sang pungsod.
Ang paghambalanay natabo pila ka oras antes ang pinakadaku nga pag-atake sang Russia sa Kyiv halin sang pagsugod sang inaway. Si Zelenskiy, sa baylo, nagtawag sang pag-atake nga isa ka makahalalit.
Madumduman nga ang Ukraine una nga nakabaton sang mga sistema sang Patriot gikan sa Amerika bilang kabahin sang bulig militar sa idalom sang anay administrasyon ni Biden.
