Gin-anunsyo ni US President Donald Trump ang pagpatuman sang 25% nga taripa sa mga produkto gikan sa mga pungsod nga may commercial ties sa Iran.
Isa ka tikang nga magahatag sang dugang nga pag-ipit sa Iran samtang ang mga protesta batok sa gobyerno nagapadayon sa ikatlo nga semana.
Suno Kay Trump nga ang mga taripa maga-epekto gilayon nga Wala nagadetalye kon ano ang iya buot silingon sa “pagnegosyo” sa Iran.
Dugang pa niya, pinal na ang nasambit nga mando. Apang ang China amo sa subong ang pinakadaku nga trading partners sang Iran, ginasundan sang Iraq, United Arab Emirates, Turkey kag India.
Nahibaluan nga ang bag-o nga taripa kasunod sang pamahog ni Trump nga magapasilabot ang US kun patyon sang Iran ang mga nagaprotesta.
Sa subong, wala pa sang ginpaguwa nga impormasyon ang White House angut sa taripa, lakip na ang mga pungsod nga labi nga apektado sang imports.
