Gin-postpone ni US President Donald Trump ang pamahog nga atakehon ang mga power plants sang Iran matapos ginpahayag ang “Productive conversations” nga natabo sa tunga sang duha ka pungsod, isa ka pahayag nga hugot nga ginpanginwala sang Tehran.
Suno kay Trump, may yara sang negosasyon sa tunga sang US kag Iran para sa complete kag total resolution sang hostilities sa Middle East.
Bilang resulta, ginpunggan niya ang nauna nga 48 ka oras nga ultimatum nga ginhatag sini sang Sabado kun sa diin nagpaandam siya nga ang mga pasilidad sang Iran pagabombahonn kun indi pagbuksan liwat ang Strait of Hormuz.
Nahibaluan nga antes ini, nagpagwa man sang pahayag si Trump kag si UK Prime Minister Keir Starmer nga ginpanindugan nila ang importansya sang pagbukas sang nasambit nga strait para sa pagbalik sa normal sang global oil shipping.
Apisar sang mga pahayag ni Trump, ginhatagan pagtamod sang wala ginhingadlan nga source gikan sa isa ka Iranian news agency nga wala pa sang direkta nga paghinun-anon nga natabo sa tunga nanday Trump kag sang Tehran.
