Gin-postpone ni US President Donald Trump ang pamahog nga atakehon ang power plants sang Iran matapos ginpahayag ang “Productive conversations” nga natabo sa tunga sang duha ka pungsod, isa ka pahayag nga hugot nga ginpanginwala sang Tehran.
Suno kay Trump, may yara sang negosasyon sa tunga sang US kag Iran para sa complete kag total resolution sang hostilities sa Middle East.
Bilang resulta, ginpunggan niya ang nauna nga 48-oras nga deadline nga ginhatag sang Sabado sa diin nagpaandam siya nga ang mga pasilidad sang Iran pagadulaon kon ang Strait of Hormuz indi pagbuksan liwat.
Bangud sa nasambit nga anunsyo, gilayon nga nagnubo ang presyo sang langis kag gas sa international market.
Antes sini, naghambal man si Trump kag si UK Prime Minister Keir Starmer sa diin ginpanindugan nila nga importante ang pagbukas sang nasambit nga strait para sa pagbalik sa normal sang global shipping.
Apisar sang mga pahayag ni Trump, ginhatagan pagtamod sang wala ginhingadlan nga source gikan sa isa ka Iranian news agency nga wala pa sang direkta nga paghambalanay nga natabo sa tunga nanday Trump kag sang Tehran.
