Ginbawi ni Si U.S. President Donald Trump ang pamahog nga taripa kag posible nga pag-angkon sa Greenland pagkatapos nga nakahimo sang framework para sa kasugtanay nga tapuson na ang pagbinaisay sa teritoryo sang Denmark.
Ini ang iya gin-anunsyo sa tion sang iya pagbisita sa World Economic Forum sa Davos.
Suno sa report, pito ka kaalyado sang NATO ang magabuligay sa Arctic agud masiguro ang collective security, samtang nagapadayon ang negosasyon sa tunga sang Denmark, Greenland, kag Estados Unidos agud mapunggan ang pagpasangkad sang impluwensya sang Russia kag China sa rehiyon.
Ginhatagan pagtamod sang Denmark nga ang bagay dapat itugyan sa pribado nga diplomasya kag tahuron ang soberanya sang pungsod subong man ang kinamatarong sang mga tawo sang Greenland sa self-determination.
Gin-appoint man ni Trump si Vice President JD Vance, Secretary of State Marco Rubio, kag special envoy Steve Witkoff para sa dugang nga paghambalanay. Ang pagbag-o sang posisyon sang Presidente sa taripa nagdul-ong sa pag-alsa sa stock market, lakip ang 1.2% nga pagtaas sa S&P 500 index.
