Ginmanduan ni U.S. President Donald Trump ang special forces commanders nga maghimo sang plano para sa posible nga pagsalakay sa Greenland, suno sa isa ka report gikan sa isa ka British newspaper (Daily Mail).
Ginasiling nga ang katuyuan sini amo ang pagpugong sa Russia ukon China sa pag-agaw sang amo nga teritoryo.
Base sa report, gin-alegar nga ginsugo ni Trump ang Joint Special Operations Command (JSOC) nga maghimo sang plano para sa invasion, apang ginpamatukan ini sang Joint Chiefs of Staff bangud sa legal kag congressional issues.
Katuyuan sini amo ang pagpugong sa Russia ukon China sa pag-agaw sang nasambit nga teritoryo.
Suno sa report, gina-alegar nga ginmanduan ni Trump ang Joint Special Operations Command (JSOC) nga maghimo sang plano para sa invasion, apang ginpamatukan ini sang Joint Chiefs of Staff bangud sa legal kag congressional issues.
Ginkondenar man sang Europa ang pahayag ni Trump nga mahimo tunaan sang tensyon sa North Atlantic Treaty Organization (NATO) kag pangkalibutanon nga seguridad.
Una na nga ginhambalan ni Trump ang White House nga magahimo sila sang aksyon sa Greenland, luyag man nila ini ukon indi, kag nag-insister nga kon indi ini paghimuon sa diplomatiko nga paagi, himuon ini sa mas mabaskog nga paagi.
Ginpanindugan sang Presidente sang Estados Unidos nga kon indi ini paghimuon sang Amerika, posible nga masakop sang Russia ukon China ang Greenland.
