Yara na sa Alaska si US President Donald Trump kag Russian President Vladimir Putin para sa isa ka pagsinapol.
Personal nga nag-shake hands ang duha ka mga lider sa gilayon nga nanaog sila sa ila tagsa ka eroplano antes ang sinapol.
Suno sa White House, indi ini mangin one-on-one meeting bangud pagaupdan ni Trump sanday Secretary of State Marco Rubio kag special envoy Steve Witkoff.
May yara man sang post-meeting lunch nga pagatambungan man nanday Rubio, Witkoff, Treasury Secretary Scott Bessent, Commerce Secretary Howard Lutnick, Defense Secretary Pete Hegseth kag chief of staff ni Trump nga si Susie Wiles.
Ginalauman nga isa sa mga topiko nga pagahambalan sang duha ka mga lider amo ang pagtapos sang inaway sa tunga sang Russia kag Ukraine.
Ang European Leader una nga naghingyo nga si Ukrainian President Volodymyr Zelensky ilakip sa pagsinapol.
Apang si Trump nagsiling nga kon magmadinalag-on ini nga pagsinapol upod kay Putin, magahiwat siya sang isa pa ka pagsinapol upod kay Zelensky.
