US Senate, gin-aprubahan na ang funding bill para tapuson ang government shutdown

Gin-aprubahan na sang US Senate ang funding bill nga katuyuan nga tapuson ang 41 ka-adlaw nga government shutdown, ang pinakamalawig sa kasaysayan sang Amerika.

Suportado ini sang pareho nga Republican kag walo ka Democrats, kag magapalawig sang pondo sang gobyerno tubtob sa Enero sang masunod nga tuig.

Kalakip man sa hagna ang pagbalik-trabaho sang mga federal workers kag tatlo ka-tuig nga pondo para sa ila nga ahensiya.

Samtang, kinahanglan pa sang pag-apruba sang US House kag pirma ni President Donald Trump antes dalayon nga mapatuman.

Nahibaluan nga nagtuga na ang shutdown sang pagka-delay sa linibo ka mga flights kag pagkadula sang sweldo sang 1.4 million ka mga empleyado sang gobyerno.