Nanghingyo si American tennis star Coco Gauff sang dugang nga privacy para sa mga player sa Australian open.
Kasunod sini sang nagalapta nga video nga ginaguba niya ang iya sini nga racket.
Natabo ang insidente pagkatapos sang iya kapirdehan kay Elina Svitolina sa quarterfinals sang Australian Open.
Sa amo nga hampang, ang 21-anyos nga si Gauff naka-angkon sang lima ka doubles faults, 26 ka unforced errors sa score nga 6-1 6-2 sa hampang nga nagtapos sa sulod sang 59 minutos.
Sun okay Gauff, ginpugngan niya ang iya kaugalingon nga indi paggub-on ang raketa sa court gani sa players area niya ini ginhimo.
Gintinguhaan pa niya nga magkadtu sa lugar nga wala sang camera apang nadakpan gihapon ini.
Importante suno sa iya nga istoryahan sang organizers ini bangud ang ila locker rooms lang ang private sa subong.
