Wala nahadlok si US Vice President Kamala Harris sa una nga face-to-face debate nila ni anay US President Donald Trump para sa US Election.
Pila sa mga ginhimo nga pagpreparar ni Harris ang pagpakig-istorya kanday US President Joe Biden kag anay First Lady Hillary Clinton nga una na nga naka-atubang si Trump sadtong mga tinalikdan nga piniliay.
Magalantaw sa kampo ni Harris ang pila ka mga Democratic governors nga ginakalakipan nanday Govs. Josh Shapiro sang Pennsylvania, Roy Cooper sang North Carolina, Michelle Lujan Grisham sang New Mexico kag Gavin Newsom sang California.
Mangin masako naman si US President Biden sa adlaw sang nasambit nga debate nanday Harris kag Trump, bangud magabisita sa White House ang mga nagkampeon sang NCAA basketball teams nga University of South Carolina kag University of Connecticuts men’s team.
Sa hapon naman, magapdulong si Biden sa New York para sa pagselebrar sang September 11 terror attacks.
Mahibaluan nga ginsiling ni White House press secretary Karine Jean-Pierre, nga posible sa Manhattan hotel na lamang magalantaw sang debate ang US President.
Pagkatapos sang debate, paga-updan si Biden ni Harris agud bisitahon ang mga lugar nga ginluntaran sang September 11 attacks sa New York, Shanksville, Pennsylvania kag Pentagon.
Pagahiwaton naman sa National Constitution Center sa Philadelphia ang labing una debate nanday Trump kagHarris.
Sa hanay ni Trump, wala sila suno diri nag-usik sang oras agud magpatigayon sang research bangud nangin beterano na ini sa nasambit nga debate kung sa diin pila na ka mga isyu nga mahimo sini ihaboy kay Harris amu ang pagsuporta sang US sa giyera sa Gaza kag ang ekonomiya.
