Gin-imbitar ni US Vice President JD Vance si Pope Leo XIV nga magbisita sa White House.
Gintuman ni Vance ang imbitasyon sang nagtambong ini sa inaugural mass sang bag-o nga Santo Papa.
Personal nga gindul-ong ni Vance ang sulat halin kay US President Donald Trump kag First Lady Melania Trump nga naga-imbitar kay Pope Leo XIV.
Positibo ang sabat sang Holy See, apang wala nila ginkumpirmar kun magabisita ang Santo Papa sa White House.
Si Vance kag ang Santo Papa nagbayluhanay pa sang mga regalo sa tion sang pagbisita.
Ginhatagan sang US Vice President ang Papa sang Chicago Bears t-shirt, isa ka American football team sa diin natawo si Pope Leo XIV, nga may nasulat nga pangalan. Kaupod sang kamiseta, ginhatagan man niya ang Santo Papa sang duha ka libro ni San Agustin.
Sa pagbisita, naghatag ang Santo Papa sang isa ka bronse nga iskultura nga may nakasulat nga “peace is a fragile flower” kag picture book sang mga apartment sang papa sa Apostolic Palace, ang opisyal nga puluy-an sang Santo Papa.
